දක්ෂිණ ගේ සටහන්

මේ පාරෙන් එන්න...

2010-03-03T08:58:00.000+05:30

සෑහෙන කාලයක් තිස්සේ blogger එක්ක රැඳිලා හිටිය මට දැන් ඔන්න එතනින් වෙන තැනකට මාරු වෙන්න කාලය ඇවිල්ලා‍. හෝව් හෝව්... වරදවා වටහාගන්න එපා. මගේ සිංහල බ්ලොග් එක විතරක් මේ මා‍සෙ ඉඳලා අලුත් තැනකට ගෙනියනවා. මේ තැන මට හම්බවුනේ lkservers ආයතතනය මගින් බ්ලොග් ලියන්නන් 50 දෙනෙකු සඳහා නොමිලේ ඩොමේන් නාම (අවුරුද්දක් සඳහා) හා web space ලබා දීමේ වැඩපිළිවෙල හරහායි. ඉතින් මට මේ සඳහා උදවු වුන සම්පත් සහ ගයන්ත දෙන්නව කෘතවේදීව සිහිපත් කරනවා.

ඉතින් මේ වෙනකොට අලුත් තැන wordpress එහෙම ස්ථාපනය කරලා පරණ පෝස්ට් සියල්ල import කරලා ඉවරයි. හැබැයි තාම beta :P . මගේ බ්ලොග් එක අලුත් තැනක‍ට ගෙන ගියා කියලා සංසදයේ ඇඩ්මින්වරුන්ටත් දැන්වූවා.

ඉතින් මේ තැනට ඇවිත් මම ලියපු දෙවල් කියවලා වචනයකින් හරි සහයෝගයක් දැක්වූවා වගේ, ඔය කට්ටිය අලුත් තැනට ඇවිත් ම‍ට සහයෝගය දක්වාවි කියලා මම හිතනවා.

මෙන්න අලුත් තැන : www.dakshinasblog.info

දැයට කිරුළ 2010 බලන්නට ගියෙමි.

2010-02-05T20:53:00.004+05:30

සෑහෙන කාලයක‍‍ට පස්සේ ඔන්න අළුතෙන් post එකක් දාන්න වෙලාවක් හම්බවුනා. ඇත්තම කියනවා නම් වෙලාවක් හම්බවුනා නෙවෙයි, මේක දාන්නම අවශ්‍යයි කියලා හිතුන නිසා තමා දාන්න යන්නේ.

කවුරුත් දන්නවනේ "දැයට කිරුළ" ප්‍රදර්ශනය මහනුවර පල්ලේකැලේ ප්‍රදේශයේ දී පැවැත්වෙන බව. ඊයේ තමා ‍ආරම්භ වුනේ. ඉතින් ගිය සැරේ කොළඹ තිබුණ ප්‍රදර්ශනය බලන්න යන්නත් බැරි වුණ එකේ ගේ ළඟටම ආපුවම නොගිහින් කොහොමද කියලා පළවෙනි දවසෙම යාළුවෝ කට්ටියත් එක්ක යන්න set වුනා.

මුලින්ම කියන්න ඕනේ ප්‍රදර්ශන භූමිය ඇත්තටම සෑහෙන්න විශාලයි. Announce කරන්නේ අක්කර 60 ක භූමි භාගයක් පුරා පැවැත්වෙනවා කියලා (මම නම් හරියටම දන්නේ නෑ අක්කර 60 ක්ම තියෙනවද කියලා). අපි ප්‍රදර්ශන භූමියට ඇතුලු වුනේ හවස පහ හමාරට විතර. (මොකද පළවෙනි දවසේ ප්‍රදර්ශනය ජනාධිපතිතුමන් අතින් විවෘත වුනේ හවස 4ට. අනිත් දවස් වලට නම් උදේ 9.00 ඉඳන් මධ්‍යම රාත්‍රී 12.00 වෙනකම් ප්‍රදර්ශන භූමියට සෙනග ඇතුළු කරගන්නවා.) හවස පහ හමාරේ ඉඳන් මධ්‍යම රාත්‍රී දොළහ විතර වෙනකන් අපි ප්‍රදර්ශන භූමියේ ඇවිද්දා. ඇත්තම කිවුවොත් අපිට මුලු ප්‍රදර්ශනකුට් වලින් පනහක් විතර ප්‍රමාණයක් තමා බලාගන්න පුලුවන් වුනේ. මුලු ප්‍රදර්ශන කුටි සංඛ්‍යාව 1000ට අධිකයි ලු. ඉතින් ප්‍රදර්ශනයේ විශාලත්වය ගැන අමුතුවෙන් කියන්න ඕනේ නෑනේ. මම හිතන්නේ ප්‍රදර්ශනය සම්පූර්ණයෙන් නරඹන්න දවස් දෙකක් වත් බලන්න වෙයි. සමහර විට ඊටත් වඩා වෙලා යයි. ඉතින් දුර ඉඳලා එන අය සම්පූර්ණ ප්‍රදර්ශනය නරඹන්න හිතනවානම් නවතින්න තැනක් ලෑස්ති කරගෙන ආවොත් හොඳයි.

මුලින්ම වගේ ඇතුළට යන්න පුලුවන් වුන නිසා අපිට ඕනේ වුනේ සෙනග පිරෙන්න කලින් ත්‍රිවිධ හමුදාවේ කුටි ටික නරඹන්න. මොකද ඕක බලන්න ඉක්මණටම සෙනග පිරෙන නිසා. ඒ නිසා මුලින් මුලින් තිබුණ ප්‍රදර්ශන කුටි ටිකක් නරඹලා අපි ගියා ත්‍රිවිධ හමුදා‍වේ කුටි නරඹන්න. ඒ ටික නරඹලා ඉවර වෙනකොට මධ්‍යම රාත්‍රියටත් ලං වෙලා. ඇවිදගන්නවත් පණ නෑ. මාර මහන්සියි. ඒ නිසා ඉතුරු ටික බලන්න ආයේ වෙන දවසක යන්න කියලා හිතාගෙන අපි ප්‍රදර්ශන භූමියෙන් එළියට ආවා. ප්‍රදර්ශනය ගැන ලියනවාට වඩා මම හිතන්නේ පුලුවන්කමක් තියෙනවානම් ගිහින් බැලුවොත් තමා හොඳ. හැබැයි යන්න බැරි අය දුක් වෙන්න එපා. ඔ‍ක්කොම කට්ටියට බලාගන්න මම ඊයේ ගත්ත photoes ටිකක් දාන්නම්. 2MP mobile phone camaera එකකින් හුඟක් දර්ශන රෑ ගත්ත නිසා එච්චරම quality නෑ. එත් "something is better than nothing" කියලා කියනව නේ.... තවත් photoes වගයක් තියෙනවා. හැකියාවක් තිබුණොත් මම ඒවාත් දාන්න උත්සාහ කරන්නම්.

ඉතින් මම ආරාධනා කරනවා වෙලාවක් තියෙනවානම් ඇවිත් ප්‍රදර්ශනය නරඹන්න කියලා. දවල්ට එහෙම එනවා නම් අනිවාර්යයෙන්ම කුඩයක් හෝ කැප් එකක් අරන් එන්න අමතක කරන්න එපා. මොකද මේ දවස්වල මේ පැත්තට පායනවා කරවෙන්න. ඒ වගේම රෑට ප්‍රදර්ශනය බලන්න එනවා නම් කැප් එකක් හා සීතල දරාගන්න අමාරුනම් උණුසුම් ඇඳුමක් අරන් ආවොත් හොඳයි. දවල් ට පෑයුවාට රෑ වෙනකොට සෑහෙන සීතල ගතියක් තියෙනවා.

ආදර්ශ කමතක් (ගොවිජන ‍සංවර්ධන දෙපාර්තමේන්තුව)

මේ අපේ විභාග වල බහුවරණ උත්තර පත්‍ර පරීක්ෂා කරන යන්ත්‍රයක් (විභාග දෙපාර්තමේන්තුව)

සතුන්ගේ හිස් කබල් (පේරාදෙණිය විශ්ව විද්‍යාලය-අධ්‍යනාංශය නම් මතක නෑ)

පුළුන් පුරවපු සතෙක් (පේරාදෙණිය විශ්ව විද්‍යාලය-අධ්‍යනාංශය නම් මතක නෑ)

ත්‍රිවිධ හමුදාවේ කුටි වලට ඇතුළු වන ස්ථානය

මේ යුධ ජයග්‍රහණ පිළිබද විවිධ පුවත්පත් වල පලවුන ලිපි එකතුවක්

හමුදාවේ ප්‍රදර්ශන කුටියක්

ත්‍රිවිධ හමුදාව වෙනුවෙන් ප්‍රදර්ශනය නරඹන්නට පැමිණි ජනතාව තබා ගිය සටහන්

බෙල් හෙලිකොප්ටර් යානාවක මිසයිල

කෆීර් යානයක්

ක‍ෆීර් යානයේ මිසයිල

නාවික හමුදාවේ ප්‍රදර්ශන කුටියක්

මේ මොකක්ද කියලා හිතන්න පුලුවන්ද?? (නාවික හමුදාව)

ගැඹුරු දිය කිමිදුම් කට්ටලයේ (මම හිතන්නේ scuba diving) හිස් වැස්ම

මුහුදේ ඉන්නා විස සහිත සතුන් පිළිබඳ දේශනයක් (නාවික හමුදාව)

අධි වේග ප්‍රහාරක යාත්‍රා වල අවි

පොලිස් ගිනිඅවි අංශයේ ප්‍රදර්ශන කුටිය

L.T.T.E සංවිධානයේ උපකරණ

L.T.T.E සංවිධානයේ ගිනිඅවි

ශ්‍රී ලංකා යුධ හමුදාව භාවිතා කරනග ගිනි අවි

මේක මරු භාණ්ඩයක්. සෑහෙන පරණයි. අංක තහඩුව බලපුවහම පේනවානේ (හැබැයි engine එක 650 CC) - ශ්‍රී ලංකා පොලීසිය

මේ ඇත්තම එකක්ද අනුරුවක්ද කියලා දන්නනේ නෑ

නවීන යුධ ටැංකියක්

මල්ටි බැරල් ප්‍රහාරක රථයක්

නව ආරම්භයක්....

2010-01-01T08:13:00.000+05:30

දන්නේම නැතුව අවුරුද්දක් ගෙවිලා ගියා. තවත් අවුරුද්දක් ආරම්භ වෙනවා අද ඉඳලා. සමහරුන් ගේ බලාපොරොත්තු ඉ‍ටුවෙන්න ඇති. තවත් සමහරුන්ගේ එහෙම නොවෙන්න ඇති. මෙනවා වුනත් පහුගිය අවුරුද්දේ කරගන්න බැරිවුන දේවල්, ඉටුනොවුන දේවල් ගැන තැවෙමින් ඉන්නේ නැතුව අද ඉඳලා අලුත් ආරම්භයක් ලබාගන්න උත්සාහ කරමු.

ගිය අවුරුද්දේ සිදුවුන වැරදි වලින් පාඩම් ඉගෙන ගෙන ජීවිතය මේ අවුරුද්දේ නිවැරදි මාර්ගයේ ගෙනියන්න අලුත් අදහස් වලින් පිරුණ, අලුත් ආරම්භයක් ලබාගන්න හැකිවේවා යැයි සියලු දෙනාටම සුභ පතනවා!!!

NatGeo Wallpaper Downloader

2009-12-17T08:38:00.001+05:30

National Geographic කියන්නේ ලෝකයේ තියෙන ප්‍රසිද්ධ සහ පැරණි සඟරාවක් / රූපවාහිනී නාලිකාවක් සහ වාර්තාමය වැඩසටහන් නිපදවන ආයතනයක්. හරියට Discovery එක වගේ. මේ ගැන මම අමුතුවෙන් විස්තර කියන්න ඕනෙ නෑනේ. ම‍ට වඩා හොඳට ඔයාලා National Geographic ගැන දන්නවා ඇති.

National Geographic මගින් සාමාන්‍යයෙන් මාසිකව ඡායාරූප එකතුවක් එළි දක්වනවා. ඔවුන්ගේ ලෝකය පුරා විහිදී සිටින ඡායාරූප ශිල්පීන් විසින් කැමරා කාචයන්ට හසුකරගත් දුර්ලභ සහ සුන්දරතම දර්ශන මෙහි අන්තර්ගතයි. ඒ වගේම මෙම ඡායාරූප wallpaper ව‍ශයෙන් භාවිතා කරන්නත් ඉතා සුදුසුයි. නමුත් ප්‍රශ්නය තියෙන්නේ මාසෙන් මාසෙට මේවා කොහොමද download කරගන්නේ කියන එක.

ඒ සඳහා දැන් විසඳුමක් තියෙනවා. ඒ තමා National Geographic Wallpaper Downloader කියන්නේ. ඉතා පොඩි වැඩසටහනක් වන මෙය (~ 354 KB) මගින් ස්වයංක්‍රීයවම ඒ ඒ වර්ෂ වල නිකුත් කෙරුන National Geographic wallpapers පරිගණකයේ folder එකක් තුළට භාගත කිරීමේ හැකියාව ලබාදෙනවා.

වැඩි විස්තර හා භාගත කිරීම මෙතනින් කරන්න.

http://apps.nozavi.com/downloads?task=viewcategory&catid=1

අපිට කරන්න කරන්න තියෙන්නේ මෙච්චරයි.

Images download වෙන්න ඕනෙ path එක මෙතනින් set කරන්න
Download වෙන්න ඕනේ මොන මොන අවුරුදු වල images ද කියලා මෙතනින් select කරන්න.
ඒ images download වෙන්න ඕනේ resolution එක මොකක්ද කියලා select කරන්න.
දැන් download වෙන්න දාන්න.

එච්චරයි. කරලා බලලා ප්‍රතිපල කොහොමද කියලා comment එකක් දාලා යන්න...

In Ear Headset?

2009-12-07T10:59:00.000+05:30

මේ දවස් වල මම ටිකක් ලොකු මෙහෙයුමකට අත ගහලා තියෙන්නේ. ඒ තමා in-ear headset එකක් හොයාගන්න එක. ඇත්තටම කඩේකට ගිහිල්ලා මේක ගැන අහන්නත් බයයි වගේ. ඒ මිනිස්සු ඒකට දෙන පිළිතුරු දැකලා. වෙලාවකට බඩත් එක්ක කොර වෙනවා.... හුඟ දෙනෙක්ට තේරුමක් නෑ මේ in ear seen එක මොකක්ද කියලා.

විශේෂයෙන්ම මේ වගේ handset එකක අවශ්‍යතාව දැනුනේ අපේ බස්වල තියෙන බොහොම නිහඬ පරිසරය නිසා :D. කන් පැලෙන්න දාන බයිලා සින්දු එක්ක ලේලන්ඩ් බස් වල් දුම් බටෙන් එන ප‍ට පට සද්දේ අපි ගාව තියෙන handsfree අස්සෙන් රිංගලා කනට වැටෙනවා. එ‍තකොට අහන්න පුලුවන් හොඳ රීමික්ස් සින්දුවක්. එහෙමත් නැත්තම් කිසිම දෙයක් නෑසෙන්නත් පුලුවන්. ඒ වගේ පරිසරයක බාහිර සද්ද බද්ද වලින් ඈත් වෙලා නිදයසේ සංගීතය රස විඳින්න මේ වගේ handset එකක වටිනාකම කියලා නිමකරන්න බෑ.

කවුරු හරි කෙනෙක් පුලුවන් නම් ලංකාවේ ඇතුළත high quality in - ear headset එකක් ගන්න පුලුවන් තැනක් ගැන කියනවාද? රුපියල් 1000ක පමණ උපරිමයකට යටත්ව හො‍ඳේ??? මේ දවස් වල කඩවල් ගානේ රස්තියාදු වෙලා එපා වෙලා තියෙන්නේ.... හුඟක් තැන්වල විකුණන්න නම් තියෙනවා. හැබැයි ටකරං සද්දෙ එන්නේ...

මගේ පළමු Google Wave අත්දැකීම

2009-11-11T12:33:00.002+05:30

Google wave ආවට පස්සේ test කරලා බලන්න සෑහෙන ආසාවකින් හිටියේ. නමුත් account එකක් නැති නිසා ඒ ආසාව ඉෂ්ඨ කරගන්න ටික කාලයක් බලන් ඉන්න වුනා... ඊයේ උදේ කාලිංග අයියා wave invitation 15 ක් ලබා දෙනවා කියලා‍ tweet කරපු ගමන් මාත් මගේ mail addess එක direct message කළා. ඉතින් කාංලිග අයියා invitation එක send කළා කිවුවම බලන් හිටියා inbox එක‍ට invitation එක දැන් ඒවි දැන් ඒවි කියලා. ම්හු.... පස්සේ බලන් ඉඳලා බැරිම තැන ආපහු කාලිංග අයියගෙන්ම ඇහුවා වැ‍‍ඩේට වෙලා යනවද කියලා. Reply එක බලාපොරොත්තු නොවුන එකක්. Invitation එක එන්න දවස් සමහරවිට සතියක්වත් යන්න පුළුවන් ලු. මොකද Google ලා මේක activate කරන්නේ manually ලු.

ඉතින් කොහොමහරි අද උදේ පාන්දරම invitation mail එක ඇවිල්ලා තිබුණා (කාලිංග අයියට හුඟක් ස්තූතියි). Mail එකේ තිබුණ link එක click කරලා account එක activate කරලා හා හා පුරා කියලා log වුනා wave වලට. දැන් තමයි ප්‍රශ්නේ. wave log වුනා වගේ නෙවේ. කාත් එක්කද දෙයියනේ wave කරන්නේ??

සාමාන්‍ය Gmail ගිණුමක් තියෙන අයත් එක්ක wave කරන්න බෑ. ඉතින් test කරලා බලන්න විදිහකුත් නෑ. කෙලින්ම sign out... පැයක‍ට විතර පස්සේ ආපහු log වෙලා බලද්දී රන්දීර සහෝදරයා මාව wave contact list එකට add කරලා. ඒත් online ද නැද්ද කියලා දැනගන්න විදිහක් නෑ (මේක මම wave වල දැකපු එක අඩුපාඩුවක්). රන්දීර හිටියා chat එකේ. ඊට පස්සේ chat එකේ ගහලා contact කරගෙන wave වලට set කරගත්තා. දැන් තියෙන්නේ test කරන්න තමා.

Wave වලට ආපු ගමන් ඇත්තටම කෙනෙක් ටිකක් විතර කරකවලා අත ඇරියා වගේ වෙනවා. ඒකට හේතුව wave වල concept එක ටිකක් තේරුම් ගන්න අමාරු නිසා. මටත් මේක තාම 100% මීටර් වෙලා නෑ. තාම TESTING. මොනවා වුනත් මට wave වල අල්ලලා ගියේ අපිත් එක්ක chat එකට set වෙලා ඉන්න කෙනා type කරන දේවල් real time අපිට පේන එක.

රන්දීර සහෝදරයාගේ ඉල්ලීමකට අනුව twitter, wave වලට add කරගන්නේ කොහොමද කියලා හොයලා බැලුවා. යන්න කලින් ඒ system එකත් පැහැදිලි කරන්නම්. Twitter support එක wave වලට add කළාම අපිට wave වල ඉඳලම twitter status update කරන්න පුළුවන්. ඒකට කරන්න තියෙන්නේ wave contact list එකට new contact එකක් add කරගන්න. හරියට අර language translator එක gTalk වලට add කරනවා වගේ... වැඩි විස්තර මෙතනින් ගන්න. සම්පූර්ණ රූප සටහන් සමගම පැහැදිලි කිරීම් තියෙනවා.

ලිනක්ස් + Songbird + XAMPP + etc... සමග....

2009-10-22T07:21:00.012+05:30

පහුගිය දවසක Lankanet.org ආයතනය මගින් නිකුත් කරපු Custom made ලිනක්ස් DVD එකක් ලබා ගත්තා. ‍වැඩේ නම් එළකිරි . MP3, DivX, MKV තිතට වැ‍ඩ. සිංහල පවා අන්තර්ගතයි. ඒ වගේම සාමාන්‍ය Ubuntu සංස්කරණයේ එන මෘදුකාංග වලට අමතරව තවත් සෑහෙන වටිනා මෘදුකාංග රැසක් පෙරනිමියෙන්ම අන්තර්ගතයි. ඔක්කොටම කලින් මම මේක අවස්ථාවක් කරගන්නවා ලංකානෙට් ආයතනයට ස්තූති කිරීමට. ඒ වගේම තව තවත් මේ වගේ දේවල් ඉස්සරහට කරගෙන යන්න හැකියාව ලැබෙන්න ඕනේ කියලා සුභ පතනවා.

ඉතින් දැන් බහිමු කතාවට. තැටිය ලැබුනා වගේ නෙවෙයි. මේක ටැස් කොරන්නත් එපැයි. එකපාර dual boot කරන්න යන්න විදිහක් නෑ. Partition එකක්ම Ubuntu වලට වෙන් කරන්න බෑ. දැම්මා Sun VBox. Files ටිකක් එහෙට මෙහෙට තල්ලු කරලා හොයාගත්තා 9GB විතර ඉ‍ඩ ප්‍රමාණයක්. දැන් හරි. දැම්මා Linux. අවුලක් නැතුව වැ‍ඩ. ඒත් performance නෑ. හිතටත් හරි මදි.

කල්පනා කරලා කරලා බැලින්නම් මේ තැටියේ Wubi installer එක තියෙනවා. මල් හතයි නෙවෙයි.විසි එකයි. ඉතින් ආයේ හදපු virtual hard disk එක මකලා Wubi එකෙන් දැම්මා Ubuntu. දැන් කෙලින්ම Ubuntu වලටම boot කරන්න පුළුවන්. Compiz අනං මනං වැ‍ඩ කෑලි ටික ඔක්කොම වැ‍‍‍ඩ. දැම්මා හොඳ icon theme එකක්. Theme එකත් වෙනස් කලා.

හම්ම්..... තව මොනවද අඩු?... MP3 play කරන්න rythembox සහ amrock පෙරනිමියෙන් ම පැවතුනත් මට එච්චර හිතට ඇල්ලුවේ නෑ. ඉතින් දැම්මා Songbird. මට laptop සඳහා internet connection නැති නිසා dependency ප්‍රශ්නයකුත් තියෙනවා . ඊට පස්සේ getedeb අඩවියේ තිබිලා හමුවනා Songbird සඳහා deb file එකක්. බෑවා. Double click කළා. වැඩේ ගොඩ.

මේ තියෙන්නේ desktop එකේ screenshot කිහිපයක්. බලන්න හොඳද කියලා...

ලිනක්ස් ඉගෙන ගන්න මොනවද කරන්නේ??? දැන් ඉතින් තවත් ප්‍රශ්නයක්. අපිට මේ semester එකේ තියෙනවා නේ PHP. ඉතින් තවත් මොනවද? PHP install කරන එක තමා ප්‍රශ්නේ. මම කලින්ම කිවුවා වගේ dependency ප්‍රශ්නෙත් නිසා වැඩ ගොඩ වෙන්න යන්නේ. කෝකටත් කියලා අන්තර්ජාලයේ හොයලා බලද්දී XAMPP හි ලිනක්ස් සංස්කරණය dependency ප්‍රශ්නයක් නැතුව භාවිතා කරන්න පුලුවන් කියලා හොයාගත්තා. ඉතින් ගොනුව බෑවා. Tar ගොනුව පහත පරිදි /opt/ කියන directory එකට extract කළා.

#sudo tar xvfz xampp-linux-1.7.2.tar.gz -C /opt දැන් කරන්න තියෙන්නේ terminal එකේ පහත විධානය ලබාදෙන එකයි.

#/opt/lampp/lampp start

දැන් LAMP වැඩ....

ලොකු උදවුවක් අවශ්‍ය කර තිබේ....

2009-10-14T14:19:00.002+05:30

මේක පහුගිය දවසක මට අත් විඳින්න වුන අත්දැකීමක් නිසා ලියන්න සිතුව දෙයක්.

අපි හැමෝම වගේ යුනිකේත භාවිතා කරනවනේ . මයික්‍රොසොෆ්ට් සමාගම විසින් වින්ඩෝස් 7 වලදී සිංහල සඳහා පෙරනිමියෙන් ලබා දෙන්නේ ඉස්කෝල පොත font එකයි. මේක ඉතාම හොඳ font එකක්. ඒත් ඊට වඩා රවුම් සහ හැඩ වැ‍ඩ වැඩි font එකක් Malithi Web කියන්නේ. මේ font එක default unicode font එක වන ඉස්කෝල පොත font එක වෙනුවට යොදා ගන්නා විදිහ ඉන්ද්‍රනාම සහෝදරයා කියලා තිබුණා. ඒ ක්‍රමය 100% සාර්ථක වුනා Windows XP තුළදී. (ඉන්ද්‍රනාම සහෝදරයාට බොහොම ස්තූතියි )

ඒත් Windows 7 වලදී නම් වැඩේ අල වෙනවා . ඒ මෙන්න මේ හේතුව නිසා. ඉන්ද්‍රනාම සහෝදරයා එයාගේ guide එකේ මෙන්න මෙහෙම පියවරක් අනුගමනය කරන්න කියලා තියෙනවා.

.....ගිහින් “මලිති වෙබ්” අකරු හැර අනිත් සියලු සිංහල යුනිකෝඩ් අකුරු fonts ෆෝල්ඩරෙන් එලියට ගන්න. (වෙනත් තැනකට ඩ්‍රැග් කරන්න) ආපහු බ්‍රවුසරේ ඕපන් කරලා සිංහල අඩවියකට යන්න (මේ බ්ලොග් එකට එන්නකෝ ) දැන් වින්ඩෝස් මගින් ඉතුරුවෙලා තියෙන එකම සිංහල යුනිකෝඩ් අකුර default එක විදියට රෙජිස්ටර් කරගනී.....

නමුත් Windows 7 වලදී ඉස්කෝල පොත font එක font directory එක තුළින් move කිරීමට ඉඩ ලබා දෙන්නේ නැහැ. එය "Windows Protected" font ගොනුවක් බැවින් move කිරීමට නොහැකි බ‍ව පවසනවා .

ඉතින් කවුරු හරි කෙනෙක් දන්නවාද මේ ප්‍රශ්නයට විසඳුමක්? දන්නවානම් පොඩ්ඩක් කිය‍ලා දෙන්න. මේ දවස් වල ඉස්කොල පොත දැකලා දැකලා එපා වෙලා... (‍font එකේ වැරුද්දක් එහෙම කියනවා නෙවේ.. හොඳද???)

Enya - හිත නිවන සංගීතය

2009-10-06T07:35:00.006+05:30

මම හිතන්නේ ඔයාලා හැමෝම Lord of the Rings චිත්‍රපටි මාලාව බලන්න ඇති. එහෙම නම් මතකද May it be කියන සින්දුව? ඉතාමත් ල‍යාන්විත කටහඬකින් ගායනා කරන මේ ගීතය ගායනා කරන්නේ Enya විසින්. ඇත්තටම Enya කියන්නේ මම ආසම කරන ගායිකාවක්. ඇයගේ නියම නම Eithne Patricia Ní Bhraonáin ලෙසයි සටහන් වෙන්නේ.

වෙලාවක් තියෙනවා නම් අහලා බලන්න Enya ගේ සින්දු. අපිට වෙනස් තලයක රසවින්දනයක් ලබන්න පුළුවන්. හැබැයි මේ සින්දු අහන කොට කලබලේට එහෙ මෙහෙ දුවන ගමන් නම් අහන්න එපා .එහෙම උනොත් ඒ සින්දු වලින් කියවෙන expressions හරි හැටි දැනෙන එකක් නෑ...

ප.ලි : මතකද Robin the Hooded Man? අපි ජාතික රූපවාහිනියේ ආසාවෙන් නැරඹූ කතා මාලාව. එහි පසුබිම් සංගීතය අමතක වෙලා නැතුව ඇති කියලා හිතනවා. මෙම පසුබිම් සංගීත කාණ්ඩ නිර්මාණය කරලා තියෙන්නේ Enya සහ තවත් කිහිප දෙනෙක් විසින් පවත්වාගෙන ගිය Clannad කියන සංගීත කණ්ඩායම විසින්.

Clannad සංගීත කණ්ඩායම (ඉදිරියේ දකුණු පසින් සිටින්නේ Enya - උපුටා ගැනීම wikipedia.com)

ආදි කාලීන පිටසක්වල ජීවීන්

2009-09-18T07:14:00.002+05:30

ඉතින් ටික කාලයකට පස්සේ තමයි අළුත් post එකක් දාන්නේ. මම පොඩි අළුත් වැඩක් පටන් ගත්ත බව කලින් post එක බැලුවා නම් පෙනෙයි. ඉතින් පහුගිය ටිකේම කළේ ඔ‍ය අලුත් වැඩේ තමයි.

හරි හරි. අටුවාටීකා ඕනේ නෑ. අද ගැන කතා කරමුකෝ. මට මේ එක ලියන්න හිතුනේ උදිතගේ විද්‍යුත් සෙල් ලිපියේ ගිය "විමාන" ගැන කරුණු දැක්වුනු post එක දැකලා. ඇත්තටම හරිම වටිනා ලිපි පෙළක්. මේ වගේ දුර්ලභ දේවල් ගැන කතා කරන ඇත්තටම වටිනවා.

මම පහුගිය දවසක මේ හා සම්බන්ධ ඉතා වටිනා documentary එකක් බැලුවා. මෙහි නම Ancient Aliens. History channel හි විකාශය වුන මෙම වැඩසටහන DvDrip එකක් වශයෙන් භාගත කිරීමේ හැකියාව තියෙනවා.

මේකේ අන්තර්ගත වෙලා තියෙන කරුණු ගැන බැලුවහම අපිට අපේ ඉතිහාසය ගැන සම්පූර්ණයෙන් වෙනස් මානයකින් හිතන්න පුළුවන්. දැනට ලෝකයේ පවතින පිළිතුරු සැපයිය නොහැකි - ගීසාහි පිරමීඩ කුමන කරුණක් අරභයා ඉදිවුනේද, පියාඹන පීරිසි වශයෙන් අප විසින් හදුන්වන දේවල් ඇත්තටම කුමක් විය හැකිද?, ආදී මිනිසාට පිරමීඩ වැනි විශාල ගොඩනැගිලි තැනීමට තාක්ෂණය ලැබුනේ කෙසේද?, දෙවියන් කියන්නේ පිටසක්වල ජීවීන් විශේෂයක්ද? යන්න අලුත් විදිහකට අර්ථ කථනය කරලා තියෙනවා.

මෙතනින් භාගත කරන්න.

අළුත් වැඩක්......

2009-09-16T17:08:00.000+05:30

අළුත් වැඩක් පටන් ගත්තා. ඔබලාගේ වටිනා අදහස් අවශ්‍යයි.

http://xtechs.co.cc/si/

විනිවිද පෙනෙන දුර - කතනය

2009-09-08T14:30:00.002+05:30

මේ කියන්න යන්නේ concept mobile phone ගණයට වැටෙන mobile phone එකක් ගැන.මම හිතන්නේ මේක අත්හදා බැලීමක් විතරක් වෙන්න ඇති. පින්තූර ටික බලලා ඉන්නකෝ. ලංකාවට ආවොත් එහෙම කොහොමට තියේවිද නේද?

උපුටා ගැනීම ritemail.blogspot.com අඩවියෙන් ...

ටික දවසකින් Chinese 1 to 1 copy ගහයිද දන්නේ නෑ... :P

හුඟ කාලයකට පස්සේ Tin Tin සමග...

2009-09-01T10:59:00.006+05:30

පහුගිය දවස් ටිකේ වැඩ ගොඩ ගැහිලා බෙල්ල ලඟටම හිර වෙලා හිටියේ. ඒකයි post එකක් වත් දාන්න එන්න බැරි වුනේ :(. සෑහෙන කාලයකට පස්සේ ආපු එකේ කට්ටියට මොනවා හරි හොඳ දෙයකුත් දීලා යන්න ඕනේ කියලා හිතුනා. අන්න එතනදී තමයි Tin Tin කතාවට සම්බන්ධ වෙන්නේ.

ඔයාලා හැමෝම ජාතික නාළිකාවේ විකාශය වුන Tin Tin කතා මාලාව බොහොම ආසාවෙන් රස විඳින්න ඇති. ඒ වගේම චිත්‍ර කථා පොත් වුනත් සමහර විට කියවලා ඇති. හැබයි ගොයියෝ දැන්නම් මේ පොත් සෑහෙන ගානක් වෙනවා. මම හිතන්නේ එක පොතක් රුපියල් හයසීයකටත් එහා.

මමත් කාලයක් මේ පොත් එකතු කළා. ( ඒත් මට ඔක්කොම පොත් ටික එකතු කර ගන්න බැරි වුනා ). ඉතින් මට අහම්බෙන් වගේ මේ පොත් වල ඉලෙක්ට්‍රොනික සංස්කරණයක් ( කොටින්ම කිවුවොත් pdf version එකක් ) හම්බවුනා. කලිනුත් මට මේ පොත් වලට links හම්බවෙලා තියෙනවා. ඒත් rapidshare. මම premium user කෙනෙක් නොවන නිසා download කරන්න සෑහෙන අමාරුයි.

මේ ලින්ක්ස් ටික mediafire. Direct download කරන්න පුළුවන්. Waiting time නෑ. Speed limit නෑ.

මෙතනින් ගන්න

ඊට අමතරව Tin Tin ලියූ Herge ගෙන් පසුව වෙනත් අය විසින් ලි‍යැවුනු Tin Tin පොත් කිහිපයක් සඳහාද Links හොයාගන්න හම්බවුනා. හැබැයි මේවා Hotfile.

Tintin in Thailand (By Bud E. Weyser)

http://hotfile.com/dl/9933957/cc3331f/26_Tintin_in_thailand.pdf.html

The Freelance Reporter (By Rechard & Rodeir)

http://hotfile.com/dl/9933959/4665cb2/27_Tintin_the_freelance_reporter.pdf.html

Tintin and The Mysterious Visitor (By Tintinonline.tk)

http://hotfile.com/dl/9933961/b5285ce/28_Tintin_and_the_mysterious_visitor.pdf.html

They Explored the Moon (Off comic by Hergé)

http://hotfile.com/dl/9933963/cb46540/29_Tintin_they_explored_the_moon.pdf.html

The Voice of the Lagoon (By Harry Edwood)

http://hotfile.com/dl/9933966/c69b27a/30_Tintin_and_the_voice_of_the_lagoon.pdf.html

තවත් ප්‍රසිද්ධ චිත්‍ර කතා මාලා කිහිපයකට links තියෙනවා. බලමු. වෙලාව තිබෙන විදිහට ඉදිරිපත් කරන්නම්.

ප.ලි.
මේ තමයි Herge විසින් ලියැවුණු අන්තිම TinTin පොත. මේක වුනත් සම්පූර්ණයෙන් නිම කරල තියෙන්නේ ඔහු විසින් නොවෙයි. මට මේ සඳහා සොයා ගැනීමට හැකි වුනේ Hotfile link පමණයි.

Tintin and Alph-Art (1986-2004) [By Hergé, Completed By Rechard & Rodeir]

http://hotfile.com/dl/9933951/896b073/24_Tintin_and_alph-art.pdf.html

ඒ වගේම Herge විසින් මුල් කාලයේ ලියවුණු TinTin in the Congo කියන පොතත් මේ Mediafire Links අතර නෑ. එය මෙතනින් භාගත කරගන්න.

Tintin in the Congo (1930–1931)

http://hotfile.com/dl/9933859/6d61b03/02_Tintin_in_congo.pdf.html

වසන්තය ආයෙත් ඇවිල්ලා....

2009-08-10T16:26:00.003+05:30

"හැම ගහකම මල් පිපිලා. අතු පලින් බර වෙලා. බලන බලන හැම තැනම සිනහවෙන් පිරුණු මුහුණු... "

බය උනාද? බය වෙන්න එපා. හිතේ සන්තෝෂයට ලියවුණ පිස්සු අදහසක් දෙකක්. ඊයේ semester 2 exam එක ඉවර වුනා. ඒකයි මේ වෙනස. සති දෙක තුනක් තිස්සේ ඔළුවේ හිර වෙලා තිබුන pressure එක සම්පූර්ණයෙන් paper එකට පටවලා ආවේ... හැබැයි එක දෙයක් කියන්නම්. Exam කොහොමද කියලා විතරක් නම් අහන්න එපා...

Windows වලට නව මුහුණුවරක්???

2009-07-29T10:32:00.006+05:30

මම මොනවත් කියන්නේ නෑ. මේ Video එක බලන්න. කොතරම් හොඳ නිර්මාණ හැකියාවක් ද කියලා ඔයාලම හිතලා බලන්න.

උපුටා ගැන්ම http://www.withinwindows.com අඩවියෙන්

Adobe CS4 Master Collection භාවිතා කළෙමි

2009-07-24T11:36:00.011+05:30

Adobe CS4 Master Collection එක කියන්නේ මම සෑහෙන කාලයක් හොය හොයා හිටිය Software Collection එකක්. Torrents නම් ඕන තරම් තියෙනවා. ඒත් ප්‍රශ්නේ තියෙන්නේ Size එක. Master Collection Installation ISO එක 8GB ත් ඉක්මවා යනවා . එතකොට ප්‍රශ්න ගොඩයි. ප්‍රධාන වශයෙන් Mobility :) . තනි DVD එකකට ගහන්නත් බෑනේ...

ඔන්න ඔය නිසා download කරන එක පස්සට කල් දම දමා ඉඳලා ඊයේ හම්බවුන torrent එකක් (~3.2GB) බෑවා. ඇත්තම කිවුවොත් torrent එකේ විස්තර ගන්න එක comment එකක්වත් තිබුනේ නෑ. ඒත් ඉතින් නිකන් ඉන්න එකේ කියලා බාගත්තා. මෙන්න ඔක්කොම softwares ටික වැඩ. (මේ torrent එකෙන් එන්නේ 7 zip archive එකක්. Install කරන්න ඒක extrect කරන්න ඕනේ.එතකොට size එක ~4.5GB විතර වෙනවා)

මේ collection එකේ තියෙන software ටික::::::

• Adobe InDesign® CS4
• Adobe Photoshop® CS4 Extended
• Adobe Illustrator® CS4
• Adobe Acrobat® 9 Pro
• Adobe Flash® CS4 Professional
• Adobe Dreamweaver® CS4
• Adobe Fireworks® CS4
• Adobe Contribute® CS4
• Adobe After Effects® CS4
• Adobe Premiere® Pro CS4
• Adobe Soundbooth® CS4
• Adobe OnLocation™ CS4
• Adobe Encore® CS4
• Adobe Bridge CS4 (offers direct access to Version Cue® and Adobe® Device Central)
• Adobe Dynamic Link
• Adobe Media Player

මම ඕකේ ප්‍රධානම software ටික test කරලා බැලුවා. ඒ ඔක්කොම වැඩ කරනවා. වැඩි විස්තර තවදුරටත් test කරලා කියන්නම්. බාගන්නවානම් මෙන්න torrent එක. පහළ තියෙනවා screenshot ටික..

Try කරන්න gTalk Labs Edition

2009-07-21T08:45:00.003+05:30

Google තමන්ගේ chat client එකේ lab version එකක් හඳුන්වා දී තිබෙනවා. නව පහසුකම් සහ වැඩි දියුණු වූ අතුරු මුහුණතකින් සමන්විත මෙය අනිවාර්යයෙන්ම අත්හදා බැලිය යුතු මෘදුකාංගයක් ලෙසයි මමනම් දකින්නේ. මෙතනින් බාගන්න.

(පින්තූරය උපුටාගැනීම http://www.google.com/talk/labsedition අඩවියෙන්)

මොකක්ද මේ www2 කියන්නේ?

2009-07-16T15:17:00.012+05:30

අද අන්තර්ජාලයේ එහෙ මෙහෙ යනකොට ගියපු site එකක host name එක දැකලා පොඩ්ඩක් ඒක ගැන හොයලා බලන්න හිතුනා.

මේ site එකේ url එක http://www2.scholastic.com/browse/index.jsp. ටිකක් නුපුරුදුයි වගේ නේද? සාමාන්‍යයෙන්site එකක url එක එන්නේwww විදිහට. ඒත් මේකේ host name එක www2 . ඉතින් මමත් පොඩ්ඩක් google ගේ search කරලා බැලුවා. එතකොට ආපු පළමුවෙනි result එක මාව යොමු කළේ මෙන්න මේ blog එකට. මම මෙහි අඩංගු දේවල් කිහිපයක් තමා උපුටා දක්වන්න යන්නේ...

මෙහි සඳහන් වන ආකාරයට මෙවැනි host name එකක් යොදාගන්නේ visitors ලා විශාල ප්‍රමාණයක් සම්බන්ධ වෙන වෙබ් අඩවි වලට. මෙහි ප්‍රධාන අරමුණ වැඩි වෙන server load එක ක්‍රමවත්ව පාලනය කිරීමයි. ඇත්තෙන්ම මෙවැනි URL එකකින් අපව යොමු කරන්නෙත් සාමාන්‍ය URL එකෙන් අපව යොමු කරන වෙබ් අඩවියටයි. නමුත් මෙහිදී අපට ලබාදෙන වෙබ් පිටුව ඇත්තේ වෙනත් server එකක. කොටින්ම කිවුවොත් මුල් වෙබ් අඩවියේ සම්පූර්ණ copy එකක් මෙම දෙවන server එකේ අඩංගු වෙනවා (මේවාට පළමු වෙබ් අඩවියේ mirror එකක් ලෙසත් පවසනවා). මේ කාරණයට අමතරව වෙබ් අඩවියේ නඩත්තුවක් වැනි කටයුත්තකදී විකල්පයක් වශයෙනුත් මෙම mirror එක භාවිතා කරන්න පුළුවන්...

www2 පමණක් නොවෙයි, සමහර වෙබ් අඩවි තමන්ගේ server load එක පාලනය කරලා පරිශීලකයන්ට හොඳ සේවාවක් ලබාදීමේ අරමුණින් www3 වැනි host name ද භාවිතා කිරීමට පෙළඹී සිටිනවා

මා Linux භාවිතා කරන්නෙක් නොවන්නේ මන්ද?

2009-07-10T10:09:00.010+05:30

අද හැමෝගෙම උනන්දුව ලිනක්ස් මෙහෙයුම් පද්ධතිය වෙත යොමු වෙලා තිබෙන බව හුඟ දෙනෙක් ගේ Blog posts, comments, reviews දැක්කම පේනවා. විශාල ප්‍රමාණයක පිරිසක් වින්ඩෝස් මෙහෙයුම් පද්ධතියේ සිට ලිනක්ස් වෙත නැඹුරු වීමට පටන් අරන්. ඒක ඇත්තටම හුඟක් සුභවාදී පියවරක්. ලංකාව වගේ දියුණු වෙමින් පවතින රටක මුදල් පිටරටට ඇදී යාම වැළක්වීම සඳහා ගනු ලබන සාර්ථක උත්සාහයක් ලෙසයි මම දකින්නේ.

මම ලිනක්ස් මෙහෙයුම් පද්ධතියක් වශයෙන් මුලින්ම භාවිතා කළේ Red Hat Linux (Ver 9?). ඒ මම හිතන්නේ 2004 දී විතර වෙන්න ඇති. එදා ඉඳලා මේ වෙනකන් මම විවිධ ලිනක්ස් සංස්කරණ කිහිපයක්ම භාවිතා කරලා තියෙනවා. Mandrake, Mandriva, Ubuntu, Puppy, Fedora, Open SUSE ආදී වශයෙන්. ඒත් මේ හැම ලිනක්ස් සංස්කරණයකින්ම මට ඉක්මණින්ම ඉවත් වෙලා ආපහු වින්ඩෝස් මෙහෙයුම් පද්ධතියට මාරු වෙන්න සිද්ධ වුනා.

මේකට ප්‍රධාන හේතු දෙකක් බලපෑවා. පළවෙනි එක තමා අන්තර්ජාල පහසුකම. ලිනක්ස් භාවිතා කරන, කරලා තියෙන හුඟ දෙනෙක් දන්නා දෙයක් තමා ලිනක්ස් වල මෘදුකාංග බොහෝ ප්‍රමාණයක් පිහිටවීමට අන්තර්ජාල සම්බන්ධතාවයක් අවශ්‍ය බව (apt get install වැනි විධාන භාවිතා කරමින්). මම තවමත් ගෙදරදී අන්තර්ජාලයට සම්බන්ධවීමට connection එකක් අරන් නෑ. ඉතින් එහෙම වුනාම ලිනක්ස් භාවිතයේදී විඳින්න ඕනේ දුක ගැන අමුතුවෙන් කියලා දෙන්න ඕන නෑනේ...

ඊ ළඟට දෙවෙනි ප්‍රශ්නය හෙවත් වෘත්තීයමය ගැටළුව. මම මගේ job එක අනුව Adobe පවුලේ මෘදුකාංග සමග නිතර නිතර වැඩකරන්න සිද්ධ වෙනවා. එතනදී නම් වින්ඩෝස් හැරෙන්නට වෙනත් විකල්පයක් ඇත්තේම නෑ... ( කලින් ප්‍රශ්නයට විසඳුමක් ලෙස අන්තර්ජාල සබඳතාවයක් ගත්තත් ). සමහරුන් ට කියන්න පුළුවන් "ඇයි දෙයියනේ Photoshop වෙනුවට GIMP පාවිච්චි කරන්නකෝ. Illustrator වෙනුවට Inkspace පාවිච්චි කරන්නකෝ..." ආදී වශයෙන්. ඇත්ත. ඒ වගේ විකල්ප භාවිතා කරන්න පුළුවන් තමයි. ඒත් Adobe AfterEffects, Adobe Premire වගේ මෘදුකාංග වලට ලිනක්ස් මත ධාවනය වන ඒ තරම්ම පහසුකම් තිබෙන විකල්ප මා දන්නා විදිහට මේ වන තෙක් එළි දක්වලා නෑ.

ඉතින් ඔන්න ඔය ප්‍රශ්න නිසා තමා මම තාමත් ජනේලයට හිර වෙලා ඉන්නේ. හැබැයි Windows තුළ හොඳ නැත්තෙත් නෑ.කියන තරම් යකා කළු නෑ කියලා කතාවක් තියෙනවනේ... :)

බලමු, ඉස්සරහට ඔය ප්‍රශ්න විසඳුනොත් මටත් ජනේලයෙන් එළියට එන්න පුළුවන් වේවි.

Raster Image එකක් Vector Image කරමු

2009-07-08T16:29:00.005+05:30

මේ කතන්දරේ කියන්න කලින් මම ඔයාලට පොඩ්ඩක් පැහැදිලි කරලා දෙන්නම් vector images සහ raster images කියන්නේ මොනවද කියලා.

අපි ඔය එදිනෙදා භාවිතයට ගන්නා JPG, BMP, PNG, GIF වගේ පින්තූර ගොනු අයත් වෙන්නේ raster ගණයටයි. මේවා තමන්ගේ පින්තූරය පිළිබඳව සටහන් තබාගෙන ඉන්නේ පරිගණක තිරයේ තිබෙන pixels උපයෝගී කරගෙනයි.

Vector images ගැන කියනවානම් සමහර අය මේ ගැන අහලා නැති වුනාට භාවිතා කරළා නම් ඇති. මේ වර්ගයේ images තමන්ගේ පින්තූරය ගැන සටහන් තබගෙන ඉන්නේ ගණිතමය සමීකරණයක් (Mathematical equation ) යොදාගෙනයි. අපි Graphic Designing වලදී භාවිතා කරන Adobe Illustrator, CorelDraw වගේ මෘදුකාංග වලින් අපි කරන්නේ vector images අඳින එකයි.

ඉතින් මේ images වර්ග දෙකේ තිබෙන වෙනස මොකක්ද? පැහැදිලි සහ ලොකු වෙනසක් තියෙනවා. Raster images මෘදුකාංගයක් භාවිතා කරමින් scale හෝ zoom කරන විට, යම් සීමාවක් ඉක්මවා ගිය විට පින්තූරය අපැහැදිලි වීමට පටන් ගන්නවා. මේ තත්වය ඔබ අනන්තවත් අත්විඳලා ඇති කියලයි මම නම් හිතන්නේ. එහෙම නැත්තම් ගන්න JPG එකක්. වැඩිය ඕනේ නෑ. MS Paint වගේ Basic image editing software එකකින් zoom කරලා බලන්නකෝ.

හැබයි vector වල තත්වය මීට වෙනස්. මම කිවුවනේ vector images තමන්ගේ පින්තූර ගැන විස්තර තියාගන්නේ ගණිතමය සමීකරණ භාවිතා කරලා කියලා. ඉතින් image එකක් scale හෝ resize කරන විට ඊට අනුකූලව සමීකරණයේ තියෙන විචල්‍යයන් වෙනස් කරමින් පින්තූරය නොවෙනස්ව තබා ගන්නවා.

Graphic designing වලදී අපිට මේ images වර්ග දෙක සමගම වැඩ කරන්න සිද්ධ වෙනවා. Vector image එකක් raster image එකක් බවට කිසිම ප්‍රශ්නයක් නැතුව පරිවර්තනය කරන්න පුළුවන්. ඒත් තරු විසි වෙන්නේ raster image එකක් vector image කරන්න ගියාමයි.

බොහෝ විට vector මෘදුකාංගයක image එක සම්පූර්ණයෙන්ම අදින්න වෙනවා. මෙන්න මේකට හොඳ විසඳුමක් තමා www.vectormagic.com කියන්නේ. අපි ලබාදෙන raster image එකක් සෑහෙන නිරවද්‍යතාවයකින් යුතුව vector image එකක් බවට පරිවර්තනය කරලා දෙන්න මේ අඩවිය සමත්. උත්සාහ කරලා බලන්න.

හැබැයි ප්‍රශ්න කිහිපයක් තියෙනවා. අපි මේ අඩවියේ register වෙන්න ඕනේ. එක Email Address එකකින් convert කරන්න දෙන්නේ images දෙකක් පමණයි. එතනින් එහාට මුදල් අය කරනවා. හොඳම වැඩේ තාවකාලික Email ලිපින ලබා දෙන 10minutemail වගේ සේවාවක් භාවිතා කරන එකයි.

Raster and Vector ගැන වැඩිදුර දැන ගන්න wikipedia බලන්න.

VLC Media Player 1.0.0 නිකුත් වෙලා

2009-07-08T11:13:00.002+05:30

අපි කවුරුත් දන්න හඳුනන VLC Media Player හි නවතම නිකුතුව Version 1.0.0 Goldeneye ලෙස එළි දක්වා තිබෙනවා. මෙම සංස්කරණයේ දී Blu-Ray තැටි ධාවනය සඳහා සහයෝගය දැක්වීම ඇතුළු නව විශේෂාංග රැසක් මෙහි අඩංගු බවයි සංවර්ධකයින් පවසන්නේ...

මෙතනින් ලබාගන්න.

3D Studio Max 2010 භාවිතා කළෙමි.

2009-07-01T10:30:00.004+05:30

මම අන්තිමට 3ds max version එකක් භාවිතා කළේ 2007 දී . ඒ version 7. ඊට පස්සේ ඊයේ වැඩකට අවශ්‍ය වෙලා අළුත් version එක භාගත කළා. සෑහෙන වෙනස්කම් ගොඩක් UI එකේ සිදු කරළා තියෙනවා. සිත් ගන්නා සුළු පෙනුමක් එකතු කරලා තියෙනවා. කලින් versions වලට වඩා වේගවත් බව කියන්න පුළුවන්. Rendering ඉතාමත් ඉහළ නිමාවක් සහිතව සිදු වෙනවා. මේ තියෙන්නේ මම ලබා ගත් තිර සටහන් කීපයක්.

"අල" වූ theme එක...

2009-06-26T08:35:00.001+05:30

ඊයේ මම මගේ blog එකේ තිබුන theme එකට පොඩි වැඩ කෑලි වගයක් දාන්න ගියා. කොච්චර හොඳට වැඩේ උනාද කිවුවොත් blog එක හරියට load වෙන්නෙත් නැති තත්වයකට පත් වුනා. ඉතින් මොනවා කරන්නද? Theme එක restore කරන්න යනකොට හිතුනා අළුත් theme එකක් දාලා බලන්න. අන්තිමට හොයලා හොයලා හිතට ගැලපෙන theme දෙක තුනක් හොයා ගත්තා. ඒවායෙන් එකක් තමා මේ. අනිත් ටිකත් test කරලා බලන්න ඕන. මේ theme එකේ මොනවා හරි ප්‍රශ්නයක් තියෙනවානම් පොඩ්ඩක් මට දැනුම් දෙන්න.

Blogger.com, wordpress වගේ multiple themes manage කරන්න දුන්නා නම් මේ වගේ වෙලාවට තියෙන පහසුව කියලා නිම කරන්න බෑ.

Microsoft Morro

2009-06-24T17:11:00.001+05:30

Microsoft Morro කියන්නේ Microsoft සමාගම විසින් ඉදිරි සති දෙක තුන තුළ නිකුත් කිරීමට සූදානම් වන ඔවුන්ගේම ප්‍රතිවයිරස (anti-virus) මෘදුකාංගය යි. මේක නොමිලේ ලබා දෙන්න යන බවක් තමයි ආරංචි වෙලා තියෙන්නේ. මෙහි අතුරු මුහුණතේ තිර සටහනක් (Screenshot) වෙබ් අඩවියක පළවී තිබුනා. මෙතනින් බලන්න.

සමහරු සැක පළ කරන්නේ ඔවුන්ගේ ඊළඟ Windows 7 නිකුතුවේ දී මෙහෙයුම් පද්ධතිය සමග බද්ධ කොට (Integrated) මෙය පැමිණෙනු ඇති බවයි. ඒ වගේම windows පැරණි සංස්කරණ භාවිත කරුවන්ට වෙනම download කරගත හැකි සංස්කරණයක්ද ලබා දීමට යන බවයි දැනගන්නට තියෙන්නේ.

Mediafire.com වලින් download කරමු (Mediafire Links)

2009-06-24T08:17:00.001+05:30

ඊයේ මම mediafire ගැන post එක දැම්මට පස්සේ මට හිතුනා තව ටිකක් ඒ ගැන කියන්න. Mediafire වල තියෙන එක ප්‍රශ්නයක් තමා rapidshare වලට වගේ links එකතු කරලා තියෙන link directories නොමැති කම. Rapidshare වලට නම් rapid library වගේ link directories තියෙනවා.

ඉතින් meidiafire වල මේ වගේ දේවල් ගන්න තැන් නැද්ද? මටත් මුල් දවස් වල තිබුන ලොකුම ප්‍රශ්නය ඕකයි. හැබැයි පස්සේ මට හම්බවුනා වෙබ් අඩවි දෙකක්. මේවා හැබයි rapid library වගේ link library නම් නෙවෙයි.

www.vietproblog.com

මේක warez site එකක්. විවිධ මෘදුකාංග ආදිය මෙහි අඩංගුයි.

www.mediafirefilms.com

මෙහි තනිකරම අඩංගු වෙන්නේ චිත්‍රපටි, TV series සහ සිංදු.

වැඩි විස්තර මම කියන්න යන්නේ නෑ. මොකද මේ වගේ දේවල් ගැන ප්‍රසිද්ධියේ කතා කරන එක ඇඟට ගුණ නෑ :).

මේ වගේ වෙන තැන් ගැන දන්නවනම් මටත් කියන්න,

Rapidshare වෙනුවට mediafire භාවිතා කරමුද?

2009-06-23T16:04:00.000+05:30

අද අන්තර්ජාලයේ තියෙන file hosting/sharing services අතරින් ඉහලින්ම වැජඹෙන සේවාව මම හිතන විදිහට නම් rapidshare. ඒත් rapidshare වල තියෙන අවාසිය තමයි file upload කරන්න වගේම download කරන්න ගියාම පනවනු ලබන සීමාවන්.

Rapidshare premium account තියෙන "අයියා" කෙනෙක්ට හරි "අක්කා" කෙනෙක්ට හරි නම් කිසිම ප්‍රශ්නයක් නෑ තමයි. ඒත් අපි වගේ premium account නැති කෙනෙක් කොහොමද rapidshare වලින් file එකක් download/upload වෙනකන් පැය ගානක් බලන් ඉන්නේ?

මම දැනට මේ වෙනුවට දැකල තියෙන හොඳම විකල්පය තමා mediafire කියන්නේ. විශේෂයෙන්ම mediafire වල වැදගත්කම තේරෙන්නේ file එකක් download වෙන්න ගියහම යි. Rapidshare වගේ waiting time නෑ. Bandwidth එක limit කරන්නේ නෑ. IDM වගේ download managers fully supported. Download එකක් stop කරලා resume කරන්න පුළුවන් ( සීමාවක් ඇතුව ). ඔය වගේ වාසි ගොඩක් mediafire වලින් සැලසෙනවා (Download කිරීමේදී මේ සේවාවන් ලබා ගන්න අඩුම ගානේ site එකේ register වෙන්නවත් ඕනේ නැහැ).

ඒ වගේම files upload කරන්න ගියාමත් වාසි ගොඩයි. Free user කෙනෙක්ට unlimited storage එකක් ලැබෙනවා තමන්ගේ files store කරන්න. ඒ වගේම කවදාවත් files expire වීමක් සිදු වන්නේ නෑ.

මම කිවුවේ මගේ අදහස. සමහරවිට ඔයාලා ගාව මීට වඩා වෙනස්/හොඳ අදහස් ඇති. ඉතින් එහෙම තියෙනවා නම් අනිත් අයවත්, මාවත් දැනුවත් කරන්න.

වැඩි විස්තර පහළ සබැඳියෙන් ගන්න.

http://www.mediafire.com/about.php

Windows Live Writer Portable සිට ලියමි.

2009-06-23T15:46:00.001+05:30

Internet එකේ තිබුන tutorial එකක් අනුව Windows live Writer එකේ portable version එකක් හදා ගත්තා. මේ post එක ලියන්නේ version එක test කරන්නයි.

එනවා එනවා Mafia 2 එනවා

2009-06-11T16:51:00.002+05:30

ඔයාලා හුඟ දෙනෙක් ගහලා තියෙන game එකක අළුත් version එකක් ළඟදීම බලාපොරොත්තු වෙන්න පුළුවන්. ඒ තමයි Mafia II. මට මේ ගැන විස්තර හම්බවුනේ Mafia I download කරන්න පුළුවන් තැනක් හොය හොයා ඉන්නකොටයි.

හැබයි game එක release වෙන්නේ නම් 2010 මුල් කාර්තුවේ බවයි සඳහන් වෙන්නේ...
මෙන්න official web site එක. ගිහින් වැඩි විස්තර ගන්න.

http://www.mafia2game.com/

(දැන්ම සමහර torrent sites වල fake torrents දාලා තියෙනවා download කරන්න. රැවටෙන්න එපා.)

කාලෙකට පස්සේ සහ අළුත් මෘදුකාංගයක් ගැන...

2009-06-05T07:26:00.002+05:30

ඔන්න සෑහෙන කාලෙකට පස්සේ අලුතින් post එකක් ලියන්න වෙලාවක් හම්බවුනා. පහුගිය සති දෙක තුනේ ඔලුව උස්සන්න බැරි තරමට වැඩ ගොඩකට හිර වෙලා හිටියා. දැන් තමයි යන්තම් නිදහසක් තියෙන්නේ. ම්ම්ම්ම්... :)

ඉතින් ලියන්නේ මොනවද කිය කියා කල්පනා කර කර ඉන්නකොට මට හම්බවුන මෘදුකාංගයක් ගැන ලිවුවොත් හැමෝටම ප්‍රයෝජනවත් වෙයි කියලා හිතුනා...

මම මේ කියන්න යන්නේ ඉලෙක්ට්‍රොනික දින පොතක් ගැන. මේකෙ නම DiaryOne. Free එකක් නම් නෙමෙයි. ඒත් සාමාන්‍ය දින පොතක් හැමදාම ලිය ලියා ඉන්න බැරි අයට මේක සෑහෙන්න වටිනවා. තමන්ගේ දින සටහන් පමණක් නෙවෙයි, එදිනෙදා සිදුවුන මූල්‍යමය ගණුදෙනු සම්බන්ධවත් මේකෙ සටහන් තියන්න පුළුවන්.

තව කෙනෙකුට ප්‍රශ්නයක් එන්න පුළුවන් තමන් හවුලේ පරිගණකයක් පාවිච්චි කරනවා නම්. හිත කරදර කරගන්න ඕනේ නෑ. මේ මෘදුකාංගය හරහා users ලා manage කරන්න පුළුවන්. තමන්ගේ username එකකුයි password එකකුයි පවිච්චි කරලා මෘදුකාංගයට log වෙලා දින සටහන් ලියන්න තමයි තියෙනේ.මෙන්න link එක.

http://rapidshare.com/files/217992585/DiaryOne_6.7_Build_2009.3.16.260_vietproblog.com.rar

වැඩිපුර මතක තියා ගනිමු

2009-05-13T11:25:00.006+05:30

ඔයාලා විභාගය ළං උනාම මොකද කරන්න්නේ? ( මං අහන්නේ බිත්තර තම්බන එකට අමතරව ) . හුඟක් අය කරන දෙයක් තමයි මතක තියා ගැනීම උදෙසා short note ගහන එක. ඒ වගේම තව දෙයක් තමයි mind mapping කියන්නේ. හුඟක් අය නම දන්නේ නැති උනාට අනන්ත්වත් විභාග වලට පාවිච්චි කරලා ඇති.

පරිගණකය තව තවත් අපේ ජීවිත වලට සමීප වෙන යුගයක, Mind mapping ගහන එකත් පරිගණකයක් හරහා කළොත්? අන්න ඒ වගේ වැඩ වලට යොදා ගන්න පුළුවන් මෘදුකාංගයක් තමයි VUE (Visual Understanding Environment ) කියන්නේ. මේ වගේ දෙයකට යොදාගන්න පුළුවන් මෘදුකාංග රාශියක් අන්තර්ජාලය තුළ නොමිලේ වගේම මුදල් ගෙවලත් ලබාගන්න පුළුවන් තමයි. ඒත් මම මේ VUE මෘදුකාංගයට කැමති කාරණා කිහිපයක් නිසයි..

මේක open source ව්‍යාපෘතියක්. ඒ නිසා VUE 100% නොමිලේ ඔබට ලබාගන්න පුළුවන්. මේක Java භාෂාව මගින් develop කරන ලද මෘදුකාංගයක්.
ඇත්තටම අනිත් මේ වගේ මෘදුකාංග වලට වඩා, VUE භාවිතා කිරීම ඉතාමත් ලේසියි. ඒක පාවිච්චි කරලම අත්විඳලා බලන්න.

මෙන්න link එක. බාගෙන පාවිච්චි කරලාම මට ගුණ අගුණ ගැන කියන්නකෝ...

http://vue.tufts.edu/

ජනකාන්ත මිත්‍යා මත....

2009-05-12T16:40:00.003+05:30

මම මේ කියන්න යන්නේ ඒ නමින් තියෙන පොත ගැන නම් නෙවෙයි ( කතුවරයා කවුද කියලා නම් මතක නැහෑ . මට පහුගිය දවසක අන්තර්ජාලයේ එහෙ මෙහෙ යනකොට හම්බවුන අමුතු තාලේ පොතක් ගැන තමයි කියන්න යන්නේ ( මේක ඇත්තටම pdf එකක් ) .

අපිට හුඟක් වෙලාවට ලෝකය පුරාවට විවිධ පුද්ගලයන් ට විඳින්න, දකින්න ලැබෙන අමුතු, අපූරු, අද්භූත ... සිදුවීම් ගැන අහන්න ලැබෙනවා ( සමහරවිට ඔබත් මේවාට මුහුණදීලා ඇති :) ) . මේවා ගැන අපේ හිතේ ඇතිවෙන්නේ අමුතුම ආකාරයක කුතුහලයක්.

ඒක තමා මිනිස් ස්වභාවය. ඉතින් මේ වගේ දේවල් අන්තර්ජාලය තුල ඕනෑ තරම් වාර්තාගත වෙලා තියෙනවා. නමුත් මේ pdf එකේ තියෙන්නේ ලෝකය පුරාම ආන්දෝලනාත්මක කතාබහකට ලක්වුණ අමුතු, අපූරු, අද්භූත සිදුවීම් ගැන විස්තර. සමහර සිදුවීම් වලට අදාළ වෙන දුර්ලභ ගණයේ ඡායාරූප පවා අඩංගු වෙනවා.

ඉතින් කියවලා බලන්න. මෙන්න link එක ( 24.84 MB) .
www.mediafire.com/?2wkoi00ttw1

මතක තියාගන්න, මේ පොත ගැන කිවුවේ ඒ විස්තර තුළ අමුතු ආකාරයක රසවත් බවක් තිබුණ නිසයි. මම මේ ලෝකෙ කොහෙවත් තියෙන විකාර කතන්දර ටිකක් ඔලුවට දාන්න යනවා කියලා හිතෙනවානම් බලන්න යන්න එපා. මේ වගේ විස්තර කියවලා රසවිඳින්න පුළුවන් අය විතරක් download කරගෙන කියෙවුවොත් තමයි හොඳ.

හිතට වදින කතාවක්...

2009-05-11T11:17:00.002+05:30

මම මේ කියන්න යන්නේ චිත්‍රපටියක් ගැන (මේක ගැන සිංහලෙන් බයිස්කෝප් අඩවියේ සටහන් වෙලා තියෙනවද දන්නේ නෑ).

ඇත්තටම වෙනස් ආරක් ගත්ත ඇමරිකානු චිත්‍රපටියක් කියලා කියන්න පුළුවන්. මට මේක හම්බවුනේ මීට අවුරුද්දකට කලින්. නමුත් මේකෙ මුල් ටික බලලා මම අත ඇරලා දැම්මා. ආයේ මාස හතරකට විතර කලින් මට මේක හම්බවුනා. ඉතින් බලන්න වෙන චිත්‍රපටියක් නැති හින්දා මමත් දිගටම බැලුවා. කතාව ඇත්තටම හරියට පටන් ගන්නේ මැදක් විතර ගියාට පස්සේ. එතනින් එහාට බලන එක නවත්වන්න හිතෙන්නේ නෑ.මට පුදුම විදිහට හිතට වැදුන කතාවක් මේකේ තියෙන්නේ. (මට විතරක් නෙවෙයි, මේක බලලා අඬපු අය පවා මම දන්නවා - ගෑණු ළමයෙක් නම් නෙවෙයි )

ඉතින් මම කතාව කියන්න යන්නේ නෑ. එහෙම කිවුවොත් වැඩක් නෑ. ඔයාලා බලලා නැත්තම් අනිවාර්යයෙන් ම බලන්න. මේකෙ තියෙන සින්දු ත් ඉතාමත් ලස්සනයි. Internet එකෙන් බාගන්න walk to remember ost download free කියලා search කරලා බලන්න. Download කරනවා නම් 100% ක් වටින download එකක් කියලා මම සහතික වෙනවා.

Bug එකක්ද මන්දා????

2009-05-05T10:57:00.006+05:30

මේ දවස් වල මම Windows 7 දාගෙන අරව මේවා test කරනවා. ඉතින් මේ දවස් ටිකේම බ්ලොග් එකේ ලියවෙන්නේ ඔය දේවල් ගැන තමයි.

මේ මට ඊයේ සිද්ධ වුන සිදුවීමක්. යාළුවක්ට film එකක් ගිහින් දෙන්න කියලා හිතාගෙන file එක pen එකට copy කරන්න පටන් ගත්තා. ඔක්කොමත් හරි, copy වෙන speed එක දැක්කම මට පිස්සු නොහැදුනා විතරයි. යන්තම් සිහි එළවාගෙන screen shot එකක් ගහ ගන්න කොට පටන් ගත්තට වඩා සෑහෙන්න speed එක අඩු වෙලා.

( බලන්න රතු පාටින් ඉරක් ඇඳලා තියෙන තැන වැටිලා තියෙන copy වෙන speed එක )

Copy වෙන්න පටන් ගත්තේ 50MB/s විතර speed එකකින්. හැබයි අනිතිමට 17 MB/s විතර වෙනකන් speed එක පහළ වැටුණා.

මම හිතන්නේ මේක Windows 7 වල තියෙන bug එකක්. මොකද කිවුවොත් අන්තිමට copy වෙන එක 100% ගිහිල්ලත් සෑහෙන වෙලාවක් copying කියලා වැටිලා මොනවත් වෙන්නේ නැතුව තිබුනා. සාමාන්‍යයෙන් file එක copy කරන්න යන වෙලාවම ගියා කියලා තමයි මට නම් හිතුනේ.

මේ ගැන ඔයාලට මොනවද හිතෙන්නේ? (කවුරු හරි අන්දන්න නම් පුළුවන් තමයි :) ඒත් මම අහන්නේ ඊට වඩා වෙනස් අදහසක් ගැන)

Windows 7 විසඳුම වැඩි විස්තර සමගින්

2009-05-04T08:28:00.014+05:30

ඔන්න මම කිවුවා වගේම Windows 7 වල drivers ප්‍රශ්නය ගැන කරපු test එකේ විස්තර මම දෙන්න යන්නේ.

මේ තමයි මම ඉස්සෙල්ලා කිවුව විදිහට Windows 7 වල drivers install කරන්න ගියහම එන error එක (මේක හැමෝටම එන error එකක් නෙවෙයි. සමහර driver manufacturer ලාගේ drivers Windows 7 වලත්, Vista වලත් අවුලක් නැතුව වැඩ බවයි ආරංචිය ) .

ඉතින් මම කළේ Vista වලදී මගේ drivers ටික DriverMax හරහා hard disk එකේ folder එකකට export කරගත්ත එකයි.

පියවර 1

පියවර 2

පියවර 3

මේ තියෙන්නේ මගේ hard disk එකේ folder එකකට export කරපු සම්පූර්ණ drivers ටික. මේ ටිකේ size එක 140MB විතර වුනා.

ඊ ළඟට මම කළේ Windows 7 දාලා ඒකට DriverMax install කරපු එකයි. ඊට පස්සේ DriverMax හරහා Vista වලදී export කරපු drivers ටික system එකට import කරගත්තා.

මෙතනදී මම import කර ගත්තේ මට අවශ්‍ය drivers ටික විතරයි. මම import කර ගත්තේ display drivers විතරයි.

මේ තියෙන්නේ අවසන් ප්‍රතිපලය.

Display drivers නැතුව Windows 7 වල තිබුණ කැඩෙන ගතිය මින් පස්සේ සම්පූර්ණයෙන් ම වගේ නැතිවෙලා ගියා.

Windows 7 හි Drivers ප්‍රශ්නයට විසඳුමක්

2009-04-30T14:02:00.007+05:30

ඔක්කොටම කලින් කිව යුතුයි මම මේ ලිපිය ලියන්නේ මයික්‍රොසොෆ්ට් ලාට කඩේ යාමට නොවන වග. කාටත් වැදගත් වෙයි කියලා හිතුන නිසයි මේක ඉදිරිපත් කරන්නේ.

මට මේ අපූරු ක්‍රමවේදය හම්බවුනේ මගේ laptop එකට Windows 7 දාන්න කල්පනා කරලා ඒ ගැන වැඩිපුර Internet එකේ හොයනකොටයි. මං ගාව තියෙන්නේ Toshiba L300 laptop එකක්. මේකට තාම Windows 7 drivers නිකුත් කරලා නෑ (නිකුත් කරන එකකුත් නැතිවෙයිද කියලා තමා මට බය ) .

ඉතින් මේ ගැන හොය හොයා ඉන්නකොට forum එකක තිබුන එක්තරා දෙයක් ඇහැ ගැටුනා. මම ලියන්නේ ඒ forum එකේ තිබුන කරුණු වල සිංහල අනුවාදය යි. කාට හරි original content එකම කියවන්න ඕන නම් මෙන්න link එක.

මේ එකේ තියෙන හැටියට ඔයාලා ගාව තියෙන Hardware drivers Windows 7 වලට support කරන්නේ නැති උනත් Vista වලට support කරනවානම් Vista drivers ම Windows 7 සඳහා යොදාගත හැකියි. ( Vista drivers සම්මත ආකාරයට Windows 7 වල install කිරීමට නොදෙන අවස්ථා පවතිනවා. ඒ වගේ වෙලාවක මේ ක්‍රමය යොදාගත හැකි බවයි පැවසෙන්නේ).

මේ සඳහා පහත පියවර අනුගමනය කරන්න.

මුලින්ම ඔයා Windows 7 install කරන්න යන පරිගණකයේ Vista install කරලා අවශ්‍ය drivers install කරලා තියෙන්න ඕන.
දැන් DriverMax කියන මෘදුකාංගය භාගත කරගන්න.
Vista වල මේක install කරලා තමන්ගේ drivers ටික folder එකකට export කරගන්න.
දැන් Windows 7 install කරන්න.
ආයෙත් DriverMax windows 7 යටතේ පිහිටුවලා අර export කරගත්ත drivers ටික DriverMax හරහා system එකට import කරගන්න.

DriverMax ගැන වැඩි විස්තර නිළ වෙබ් අඩවියෙන් ගන්න පුලුවන්.

-------------------------------------------------------------
අවවාදය යි.
Test කර නොමැත. Test කළ පසු වැඩි විස්තර ඇතුළත් කරන්නම්
-------------------------------------------------------------

Blogger.com හි බ්ලොග් එකක් Wordpress වලට import කිරීම

2009-04-30T10:54:00.019+05:30

අපි හිතමු ඔයාලට blogger.com මගින් ලබා දෙනවාට වඩා වැඩි features ප්‍රමාණයක් බ්ලොග් එකට add කරගන්න ඕන වුනා කියලා. එහෙමත් නැත්තම් වැඩිය හොඳට බ්ලොග් එක customize කරගන්න ඕන කියලා. එහෙමත් නැත්තම් කෙටියෙන්ම කිවුවොත් බ්ලොග් එකේ සම්පූර්ණ පාලනය අතට ගන්න ඕන කියලා. හුඟක් අය කරන වැඩක් තමයි තමන්ගේ කියලා hosting space එකක wordpress බ්ලොග් එකක් පටන් ගන්න එක.
ප්‍රශ්නෙ මතු වෙන්නේ කලින් blogger.com වගේ එකක බ්ලොග් එකක් කරල තිබුනොත් තමයි. ඒත් wordpress වල මීට විසඳුමක් තියෙනවා. ඒ තමයි blogger.com වල බ්ලොග් එකේ සියළුම posts ( comments ද ඇතුළත්ව ) wordpress වලට import කරගත හැකිවීම (අප විසින් add කරන ලද widgets, javascripts, HTML codes ආදිය මෙහිදී import නොවන බව මතක තබා ගත යුතුයි ).

මෙය සිදු කිරීමට wordpress වල admin dashboard එකේ Tools -> Import යන path එක භාවිතා කරන්න. (ඇත්තටම මෙතනින් blogger.com වල පමණක් නොවෙයි, තවත් blog providers ගණනාවක තිබෙන blogs import කර ගැනීමට පහසුකම් සළසනවා)

හැබැයි ඊළඟට තමයි නියම ප්‍රශ්නෙ මතු වෙන්නේ. අපි අපේ username, password verify කරන්න යනකොට මෙන්න මෙහෙම error එකක් එනවා.

ඔතනින් Grant Access කළත් වැඩක් නෑ. ඊ ළඟට එන්නේ මේ වගේ error එකක්.

දැන් මොකද කරන්නේ? වැඩේ අත ඇරලා දාන්නත් හිතෙනවා නේද? (මටත් හිතුනේ ඕකම තමයි :( ).
ඒත් Internet එකේ පොඩ්ඩක් හොයලා බලනකොට ක්‍රමයක් හම්බ වුනා. (මීට වැඩිය වෙනස් ක්‍රම තියෙනව ඇති. දන්නවනම් මටත් පොඩ්ඩක් කියලා දෙන්න ).

ඉස්සෙල්ලාම www.wordpress.com site එකට යන්න ( www.wordpress.org site එකට නෙවෙයි ). ගිහින් free account එකක් හදලා admin dashboard එකට log වෙන්න.

මෙතනින් අපි අර ඉස්සෙල්ලා කරපු විදිහටම blogger.com වල blog එක කිසිම ප්‍රශ්නයක් නැතුව import කරගන්න පුලුවන් :) . දැන් import කරපු විදිහටම මේක export කරගන්න (මෙතනදී xml file එකක් විදිහට blogger.com හි බ්ලොග් එක mechine එකට download වෙනවා) .

දැන් අමාරු හරිය ඉවරයි. ඔයා host කරපු wordpress blog එකේ admin dashboard එකට ගිහින් අපි save කරපු xml file එක import කරගන්න.

කරලා බලලා වැරදි තියෙනවා නම් කියන්න.

Internet Download Manager 5.17 - අලි මදිවට හරක්!!!!

2009-04-29T17:04:00.001+05:30

Kaspersky ගැන බලලා ඇහැ අයින් කරන්න හම්බ වුනේ නෑ. මෙන්න තවත් සෑහෙන්න භාවිතා කරන මෘදුකාංගයක නව සංස්කරණය ක් එළි දක්වලා. මෙතනින් වැඩි විස්තර ගන්න.

Kaspersky 2010 හි එළි දැක්ම

2009-04-29T16:56:00.002+05:30

Kaspersky Antivirus සහ Internet Security වල 2010 හි බීටා සංස්කරණයන් එළි දක්වලා. මම Internet එකේ එහෙ මෙහෙ යනකොට මේක දැක්කේ. මම ටිකක් අන්ද මන්ද වෙලත් ගියා. වැඩි විස්තර මෙතනින්.

තාම test කරලා නම් බැලුවේ නැහැ.

Offline බ්ලොග් ලියන්න Live Writer Portable

2009-04-28T09:03:00.016+05:30

දවස් තුනකට පස්සේ ඔන්න අද බ්ලොග් එක ලියන්න ඉඳගත්තා. මට කොහොමත් හුඟක් වෙලාවට සති අන්තයේ අන්තර්ජාලය පාවිච්චි කරන්න හම්බවෙන්නේ නෑ. මම ගමේ යන නිසා.

හොඳයි දැන් ඉතින් ලියන්න ගියපු දේ ගැන සළකලා බලමුකෝ. හුඟක් බ්ලොග් ලියන අය කරන්නේ තමන්ගේ බ්ලොග් එක online ලියන එක. එත් මම වගේ හැමවෙලේම online ඉන්න බැරි නිතර එහෙ මෙහෙ යන කෙනෙක් ට මේක කරදරයක් වෙන්න පුළුවන්.

මේකට විසඳුමක් තමයි Windows Live Writer කියන්නේ. හුඟ දෙනක් මේ ගැන දන්නවත් ඇති.

ඒත් මම කියන්න යන්නේ live writer වල ජංගම සංස්කරණය (portable version) ගැන.
Live Writer වල ස්ථාපන සංස්කරණය (installation version) මගින් ම මේක හදාගන්න පුළුවන්. එතකොට හිතට එන දේවල් ලියාගෙන ඉඳලා online ගියපු ගමන් බ්ලොග් එකට එකතු කරන්න පුළුවන්. මේ ගැන වැඩි විස්තර මෙතනින් ගන්න පුළුවන්.

පසුව ලියමි

මම මේ පෝස්ට් එක ලිවුවට පස්සේ offline blog writers ගැන පොඩ්ඩක් හොයලා බැලුවා. ගොඩක් මේ වෙනුවෙන් software s develop කරලා තියෙනවා. ඒ වගේම විශාල open source software ප්‍රමාණයකුත් තියෙනවා. මේ මට එහෙම හම්බ වුන software list එකක්. මම හිතුවා ඔයාලට ප්‍රයෝජනවත් වේවි කියලා

phpbb භාවිතා කරලා තියෙනවා ද?

2009-04-24T13:39:00.018+05:30

ඔන්න දැන් තමා යන්තම් power ප්‍රශ්නය විසඳුනේ. දැන් මම ලියන්නම් උදේ මම බ්ලොග් එකේ ලියන්න කියලා හිතාගෙන හිටපු දේ ගැන.

මම ලියන්න කියලා හිතාගෙන හිටියේ phpbb ගැන. මේක PHP වලින් ලියපු forum creating and managing tool එකක්. මේක ස්ථාපනය කරගන්න ඉතාමත් පහසුයි. හැබැයි ඊට කලින් සපුරාලිය යුතු අවශ්‍යතා කිහිපයක් තිබෙනවා.

අන්තර්ජාල යේ ඔබ එය ස්ථාපනය කරන්න යනවා නම් අනිවාර්යයෙන් ම සැකහැර දැනගත යුතුයි ඔබේ web hosting සේවාව php ආශ්‍රිත hosting වලට සහයෝගය දක්වනවා ද කියා. එසේ නැත්නම් මෙය ක්‍රියාත්මක වෙන්නේ නැහැ. ඊට අමතරව database එකක් ලෙස MySQL, Fireboard, MSSQL, Oracle, SQLite, Postgre SQL වැනි database server එකක් සඳහා ත් සහයෝගීතාව දැක්විය යුතුයි.

phpbb වල සම්පූර්ණ ස්ථාපන අවශ්‍යතා ලැයිස්තුවක් (Installation Requirements List) ලබා ගැනීමට පහත link එක භාවිතා කරන්න.
http://www.phpbb.com/support/documentation/3.0/quickstart/quick_requirements.php

ඒ වගේම ඔයාලා මේක සාමාන්‍ය පරිගණකයක ස්ථාපනය කරන්න යනවානම් ඉහත කිවු අවශ්‍යතාවයන් ට අමතරව web server එකකුත් පරිගණකයේ පිහිටුවා තිබිය යුතුයි. මේ සඳහා Apache හෝ IIS යොදා ගන්න පුළුවන්.

phpbb කියන්නේ 100% free open source දෙයක් :) . මේක අපිට කැමති විදිහට customize කරගන්න පුළුවන්. ගිහිල්ල ම බලන්න.

http://www.phpbb.com/

Mobile Internet Connection එකක අවශ්‍යතාව

2009-04-24T11:02:00.008+05:30

අද නම් මම හොඳටම අසරණ වුන දවසක්. මම සාමාන්‍යයෙන් බ්ලොග් එක ලියන්නේ ඔෆිස් එකේ ඉඳලා. උදේ පාන්දරම ඇවිල්ලා බ්ලොග් එක ලියලා තමා වැඩ පටන් ගන්නේ.

එත් අද ඔෆිස් එකේ ලොකු අවුලක්. අපි ඉන්න unit එකට power නැහැ. Mail චෙක් කරන්නේ කොහොමද?, බ්ලොග් එක ලියන්නේ කොහොමද? ප්‍රශ්න ගොඩයි. පැත්තකට වෙලා දහ අතේ කල්පනා කර කර ඉන්නකොට තමා යළුවෙකුගේ HSPDA එක set වුනේ. දැන් මම මේ ලියන්නේ ඒ connection එකේ පිහිටෙන් තමා.

අද බ්ලොග් එකේ ලියන්න හිටියේ වෙන දෙයක්. නමුත් මුහුණ දුන්න අත්දැකීම නිසා මේ ප්‍රශ්නේ ගැන ලියන්න හිතුනා. මම වගේ නිතර එහෙ මෙහෙ යන එන අයට නම් mobile internet connection එකක වැදගත් කම කියලා නිම කරන්න බෑ.

මමත් දැන් හිතන් ඉන්නේ කොහොම හරි mobile internet connection එකක් ගන්න. තාම service provider කෙනෙක් ගැන නම් හිතුවේ නෑ. ඒ ගැන අදහස් මොනවාහරි තියෙනවනම් මට කියනවද?

docx, xlsx, pptx වැනි extensions ඔබටත් කරදරයක් වෙලාද?

2009-04-23T11:52:00.007+05:30

Office 2007 වල තියෙන්නේ ඊට කලින් versions වල තිබුනේ නැති extension එකක්. මේ ගැන හුඟක් වෙලාවට ඔයාලා දන්නවා ඇති. ඒ කියන්නේ Word වලට .doc වෙනුවට .docx , Excel වලට .xls වෙනුවට .xlsx වගේ. ඉතින් මේක ප්‍රශ්නයක් වෙන්නේ කොහොම ද? ඇත්ත තමා, Office 2007 install කරගෙන ඉන්න කෙනෙකුට නම් කිසිම ප්‍රශ්නයක් නෑ, ඒත් Office 2007 වලට කලින් version එකක් install කරගෙන ඉන්න කෙනෙක් ට මේ extension එක තියෙන files open කරන්න බෑ.

තත්වය තවත් බරපතල වෙන්නේ Office 2007 install කරගන්න බැරි තත්වයකුත් උද්ගත වෙලා තිබුණොත් තමා... :(

එක්කෝ install කරගන්න තැටියක් නැතුව වෙන්න පුළුවන්. එහෙමත් නැත්තම් මට වගේ Admin permissions නැතුව තැවි තැවී ඉන්නවා වෙන්නත් පුළුවන් :P

මේ වෙලාවට කරන්න ඔයාලගේ හිතට එන්න පුළුවන් අදහස් දෙකක් තියෙනවා.
1. කොහොමහරි කට්ටක් කාලා office 2007 install කරගෙන වැඩේ කරගන්නවා
2. ඕන දෙයක් වුනාවේ කියලා වැඩේ අත අරිනවා.

මේ කියන්නේ 3 වෙනි අදහසක් ගැන. යන්න මෙන්න මේ site එකට....

http://www.zamzar.com

මේක හරහා හුඟක් Office 2007 වල file formats තවත් file formats රාශියකට convert කරන්න පුළුවන්(PDF, XLS, PPT, DOC වැනි බහුලව භාවිතා වෙන file formats ද ඇතුළත් ව) . කරලා බලන්න. convert වුන file එක download කරන්න link එක අපේ mail address එකටම ගෙන්න ගන්න පුළුවන්.

රට වෙනුවෙන්

2009-04-22T14:38:00.008+05:30

රට වෙනුවෙන් ලිවිය යුතුම දෙයක් මම මේ ලියන්නේ. කුරිරු කොටි ත්‍රස්තවාදීන් ගෙන් දෙමළ ජනතාව බේරා ගැනීමේ මානුෂීය සටන මේ වෙනකොට අවසානය කරා ළඟා වෙලයි තියෙන්නේ. ඉතින් කොටියා ගේ පණ යන්න ඔන්න මෙන්න තියෙන මේ වෙලාවේ හුඟක් විදේශීය බලවේග ආපහු කොටියට ඔක්සිජන් දෙන්න උත්සාහ කරනවා. විශේෂයෙන් ම පිටරට ඉන්න ද්‍රවිඩ තරුණ ප්‍රජාව Facebook, Hi5 වගේ community sites හරහා ඔවුන්ගේ කොටි හිතවාදී මත ප්‍රචාරය කර හරින්නට බලවත් වෑයමක් දරනවා බලාගන්න පුලුවන්.

මේ අය හුඟක් දෙනෙක් වැරදි තොරතුරු හේතුවෙන් නොමග ගිය අය. තවත් සමහරක් ඉන්නවා ඇත්තටම කොටියා නැවත නැගිටිනකන් බලාගෙන ඉන්න. මේ අය community sites දෙවනත් කරමින් කොටියව බේරගන්න විශාල වෑයමක් ගන්නවා. ඔවුන් මේ සඳහා බොහෝ විට යොදා ගන්නේ අසත්‍ය තොරතුරු ප්‍රචාරය කිරීම වැනි බොහොමත් නිහීන වැඩ පිළවෙලක්.

පිටරට කොල්ලො කුරුට්ටො මොන මොන කෙළි දැම්මත් යුද්ධෙ නවත්වන්නේ නෑ කියල අපිට නිහඬ වෙලා ඉන්න පුළුවන් තමයි. ඒත් දිගු කාලීනව බරපතල ප්‍රශ්න කීපයක් මේ හරහා ඇති වෙන්න පුලුවන්.

1. ලංකාව පිළිබඳ තිබෙන ජාත්‍යන්තර ප්‍රතිරූපය ට හානි පැමිණීම
2. සැළකිය යුතු බල කිරීමක් නිසා රජයට ජාත්‍යන්තරයෙන් යුද්ධය නවත්වන ලෙසට බලපෑම් එල්ල විය හැකි වීම.

ඉතින් නිතර දෙවේලේ අන්තර්ජාලයේ කරක් ගහන අපි, රටේ අනාගතය වෙනුවෙන් මේ වගේ අසත්‍ය මත ප්‍රචාරය කරන්නන්ට එරෙහිව නැගී සිටින්න ඕන. එහෙම වුනේ නැත්තම් උන් ඔක්කොම එකතු වෙලා කොටියා රටට කළාට වඩා ලොකු විනාශයක් කරන්න පුලුවන්.

මතක තියා ගන්න, අපි නැගී සිටින්න ඕන අපේ රටට විරුද්ධව අසත්‍ය මත ප්‍රචාරණය කරන්නන්ට එරෙහිව හා රට විනාශ කරන්නට වළි කන ත්‍රස්තවාදීන්ට එරෙහිව මිසක්, අහිංසක දෙමළ ජනතාවට එරෙහිව නොවන වග.

මේ අපි ඉපදුන රට. ඔබ මොන ජාතියකට අයත් වුනත් මේ රටේ ඉපදුන ශ්‍රි ලාංකිකයෙක්. අභිමානයෙන් ඔලුව උස්සගෙන ජීවත් වෙන්න පුළුවන් රටක් අපිට තියෙනවා. අපි ඒක රැකගන්න ඕන.

අළුත් ඇඳුමක්

2009-04-22T13:36:00.003+05:30

මට ඊයේ comments ලියපු දෙතුන් දෙනෙක් ම කියලා තිබුණු දෙයකට උදේ පාන්දරම හිත යොමු කරන්න හිතුනා. ඒ තමයි site එකේ content එක පේන්නේ නෑ කියන නෝක්කාඩුව. ඉතින් මට හිතුනා site එකේ template එක මාරු කරලා බලන්න. හිතට අල්ලලා ගියපු එකකට මම මාරු වුනා. බලන්න හොඳද කියලා...

ලස්සනට මුල් තැන...

2009-04-21T12:11:00.010+05:30

ඔයාලා වෙබ් අඩවියක් පවත්වාගෙන යනවානම් ඒකෙ බාහිර ස්වරූපය ගැන අනිවාර්යයෙන්ම සැළකිළිමත් වෙන්න ඕන. මොකද site එකට එන කෙනෙක් ඒක ගැන මුළින්ම යම්කිසි හැඟීමක් ඇතිකරගන්නේ එකේ තියෙන ප්‍රෝග්‍රෑම් වලින් නෙවෙයි. එකේ appearance එකෙන්.

"First impression has no second chance"

කියලා කියමනක් අහලා තියෙනව නේ. අන්න ඒ නිසයි කෙනෙක්ව අල්ලලා තියාගන්න පුළුවන් විදිහට අපි site එක නිර්මාණය කරන්න ඕන.

අපිට මේ සඳහා විවිධ උපක්‍රම යොදාගන්න පුළුවන්. CSS, HTML, custom templates, flash, site එකටම ආවේණික images මේ අතරින් කිහිපයක් පමණයි.

මම මේ කියන්න යන්නේ මේ සියළු දේ සඳහා උපදෙස් ගන්න පුළුවන් site එකක් ගැන. මේ එකේ නම www.1stwebdesigner.com.

ගිහිල්ල ම බලන්න. මේකෙ HTML,CSS, Photoshop වලට අමතරව Wordpress වගේ blogging tools සහ Joomla! වගේ CMS සඳහා ත් විශේෂාංග අඩංගු වෙනවා.

ඔබ Blender ගැන දන්නවද?

2009-04-21T10:17:00.024+05:30

මේ කතාව හුඟක් වැදගත් වෙන්නේ open source වලට මාරු වෙන්න ඉන්න ත්‍රිමාණ සජීවීකරණ ශිල්පීන් ට. මේ අයට open source වලට මාරු වෙන්න බාධාවක් වෙලා තිබුනේ ඒ අය දැනට භාවිතා කරන 3ds Max, Maya, Houdini වගේ ප්‍රභල මෘදුකාංග වලට හරි හමන් open source ආදේශක නොමැති වීමයි.

ඔන්න දැන් ඒ ප්‍රශ්නෙටත් විසඳුමක් තියෙනවා. ඒ තමයි Blender. මේක develop කරන්නේ Blender Foundation එක මගිනුයි. මේ මෘදුකාංගය පමණක් නොවේ, ඒ සඳහා අවශ්‍ය වන බොහොමයක් තෙවන පාර්ශවීය ප්ලගින ( Third Party Plug-ins - සමාවෙන්න, මේ සඳහා කියන නිවැරදි සිංහල වචනය සොයගන්න බැරි වුනා ) 100% ම නොමිලේ ලබාගන්න පුලුවන්. ඒ වගේම තාක්ෂණික උපදේශයනුත් නොමිලේ ලබා ගන්න පුළුවන්.

Blender ගැන මම දැන ගත්තේ මීට අවුරුදු 2 ට විතර කලින්. එතකොට මෙයාගේ තිබුණේ 1.x සංස්කරණය න්. ඒ කාලේ නම් Blender එතරම් සාර්ථක ලෙස develop වෙලා තිබුණේ නැහැ. මමත් මෑතක් වෙනකන් භාවිතා කළේ 3ds Max. ළඟදි දවසක Blender site එක පැත්තේ ගියපු වෙලාවක නිකමට වාගේ අලුත් version එක (2.48) download කරගෙන බැලුවා. මම ඇත්තටම පුදුම උනා Blender ලබාගෙන තියෙන දියුණුව ගැන.

ඔයාලා 3ds Max, Maya වගේ මෘදුකාංග ගැන දන්නවානම් ඒවා වෙලඳපොළේ තියෙන හැටි පොඩ්ඩක් මතක් කරලා බලන්න. මේ මෘදුකාංග දෙකම වෙලඳපොළේ තියෙන්නේ ඩීවීඩී තැටි ලෙස. මෙහි අදාළ මෘදුකාංගය ට අමතරව ඒ සඳහා අවශ්‍ය වන sample files ද අඩංගු වෙනවා. නමුත් Blender වලදී තත්වය මීට හුඟක් වෙනස්. මම භාවිතා කරන version එකෙහි (2.48 සම්පූර්ණ සංස්කරණය) ධාරිතාව මෙගාබයිට් 10 ටත් අඩුයි. එතකොට සම්පූර්ණ sample files එක්ක Blender වල මුළු ධාරිතාව සීඩී තැටියකට ගන්න පුළුවන් කියලා මට හොඳටම ෂුවර්.

මේකෙ තියෙන තවත් වාසියක් තමයි පවිච්චි කරන්න එච්චර ලොකු performance තියෙන machine එකක් ඉල්ලන්නේ නැතිකම. Maya, 3ds Max වගේ මෘදුකාංගයක් එක්ක වැඩ කරන්න ගියාම මතු වෙන ලොකුම ප්‍රශ්නය තමයි ඔය. Maya වල සමහර projects render කරන්න ගියපුවහම 2GB RAM පවා මදිවෙන අවස්ථා තියෙනවා.

Blende ඉල්ලන hardware requirements අඩු මට්ටමක පැවතුනා ට ඒකෙන් කරන්න පුළුවන් දේවල් වල ගුණාත්මක භාවය නම් සුළුවෙන් හිතන්න බෑ. ඔයාලම බලාගන්නකෝ.

මෙන්න Blender Official site එකේ URL එක .

www.blender.org

Adobe After Effects Tutorials

2009-04-21T08:33:00.002+05:30

Adobe After Effects ගැන උනන්දුවක් දක්වන අයටයි මේ අරංචිය.හුඟක් දෙනෙක්ට After Effects කරන්න ගියහම තියෙන ලොකුම ප්‍රශ්නය තමා හොඳ tutorials හොයගන්න බැරි එක. මොකද කිවුවොත් මේ field එකේ ඉන්න අය tutorials ඉදිරිපත් කරනවා හුඟක් අඩුයි. ඉතින් tutorials හොයන අයට හොඳ site එකක් ගැන තොරතුරක් තමා මම මේ දෙන්න යන්නේ.

යන්න http://www.videocopilot.net site එකට . මේක කරන්නේ Andrew Kramer කියලා කෙනෙක් (නම ලිව්වා හරිද මන්දා). මේකෙ තියෙන ඔක්කොම tutorials free. හැබැයි tutorials බලන්න නම් Adobe Flash Player පරිගණක යේ ස්ථාපනය කරලා තියෙන්න ඕන. Tutorials තියෙන්නේ බලන්න වුනාට, Internet Download Manager අළුත් version එකක් පාවිච්චි කරනවා නම් flv එකක් විදිහට tutorials භාගත කරගන්න පුළුවන්.

මේ site එකේ තියෙන විශේෂත්වය තමා හැම project එකකට ම අදාළව project files download කරගන්න දීලා තියෙන එක.

ෆොටෝෂොප් වැඩක්

2009-04-21T08:20:00.003+05:30

මේ මම ළඟදී ෆොටෝෂොප් වලින් කරපු නිර්මාණයක්. මේකට පාවිච්චි කරපු tutorial එකේ link එක තමා මේ.
http://psdtuts.com/tutorials-effects/advanced-glow-effects/

ඔයාලත් කියවලා බලන්න කරන්න පුළුවන් ද කියලා...
මේ මම හදපු එක. කැමති නම් download කරගෙන බලන්න.

ඇරඹුම් සටහන

2009-04-20T14:15:00.000+05:30

සෑහෙන කාලෙක ඉඳලා කරන්න කියලා හිතාගෙන හිටපු වැඩක් අද ඔන්න යන්තන් කරගන්න පුළුවන් වුණා. පටන් ගන්න කලින් සිංහලෙන් බ්ලොග් ලියන හැටි ඉගෙන ගන්න පොඩ්ඩක් උත්සාහ කළා. කරන වැඩේ හරියට කරන්න ඕන නේ... ඒකයි වැඩේ පටන් ගන්න කාලයක් ගියේ.

ඔන්න මම වැඩේ පටන් ගත්තා. හැමෝගෙම සහයෝගය ඉස්සරහට ලැබෙයි කියලා බලාපොරොත්තු වෙනවා. මොකද, සිංහලෙන් බ්ලොග් ලියන වැඩේ මට අලුත්ම දෙයක් නිසා.

වැරදි, අඩුපාඩු තියෙනවනම් කියලා දෙන්න. ලොකු පොඩි කියලා භේදයක් නෑ, හැමෝගෙ ම අදහස් මට වැදගත්.